「香港力量」昨晚在旺角Double Cafe搞睇波團，吸引近70名球迷到場為港隊打氣，眾人於球證吹雞完場一刻即場唱歌慶祝，氣氛High爆！

球迷Alex與女朋友7時已抵達Double Cafe霸定靚位睇波。

「香港力量」早前於網上號召未能北上的球迷，到Double Cafe睇波撐場，當中Alex與女朋友未到7點已經到場霸定靚位，他表示過去會入旺角場為香港隊打氣，今仗即使贏波機會不大，但仍希望「攞得1分得1分」。賽後Alex對0:0的戰果感到非常滿意，更稱下仗港隊主場對卡塔爾定會入場支持。

除Alex外，一眾在場球迷情緒高漲不下於現場觀戰，每次香港成功取得控球權或瓦解對手攻勢時，擁躉皆報以熱烈掌聲及高呼香港球員名字，更有球迷邊睇波邊打鼓唱「香港隊勁揪」，到球證吹完場雞一刻更全場彈起唱歌歡呼，興奮程度不遜場內的港隊球員及Fans。