葉子俊以「土炮」身份加盟元朗，為「家鄉球隊」出戰可能會有更大動力，但對「子俊」來說，「圍村文化」或對他征戰球場造成更大壓力：「唔知好事定壞事！」

葉子俊（前）加盟「家鄉球隊」元朗，希望闖出一片天。

言詞嚴苛 有彈無讚

早年効力天水圍飛馬時，葉子俊常在區內主場元朗大球場作賽，他回憶當時情況：「觀眾席上10個有8個都識，有得踢都好啲，如果無得踢，一行出球場就會撞到識嘅人，佢哋會問我究竟係太懶定傷咗，成程路起碼答10次！」原來圍村左鄰右里關係密切，「鄉親父老」言詞亦特別嚴苛，輸波肯定「有嘢講」，贏波卻無人讚：「元朗啲人好怪，我踢得唔好嗰啲場場都知，踢得好，佢哋又好似無睇新聞！」

除因傷轉而從事機場保安及地盤工作那幾年外，葉子俊自十多歲起便因踢足球「大把嘢聽」，他坦言小時候曾因此心靈受創，但慢慢已學懂面對：「喺佢哋角度會覺得起村屋收租，先係長遠同穩定，依家都由得佢哋講，講多兩句咪轉話題囉。」