曹星如親自挑選Rex girls！香港「神奇小子」曹星如將於本月29日重回香港會展中心迎戰澳洲拳手Brad Hore，力爭18連勝。大會為了歡迎曹星如重返香港主場，更舉行了「Rex Tso Ring Card Girl」選舉。Rex昨日更化身教練，教8位候選「Rex girls」打拳。

曹星如坦言暫時最喜歡Helena（中）。

Rex親自「教拳」

8名候選「Rex girls」昨日現身DEF boxing與曹星如見面。面對8名身材火辣的靚女，Rex 都顯得十分避忌又怕醜，場面惹笑！要成為「Rex girls」 除了樣子和身材出眾之外，身手都十分重要，因此Rex昨日便親身教拳，又訓練她們的體能。能夠得到香港拳王親自指點，一眾靚女們都專心上堂，亦打得非常落力！

Rex將要在本月28日過磅時挑選兩名成為真正的「Rex girls」，昨日見面後，他又透露暫時較喜歡貌似碧咸嫂的香港瑞典混血兒Helena。估唔到Rex 除了打拳叻之外，眼光都幾好喎。