全港首支職業籃球隊東方來季升上甲一，令不少渴望打「職業波」本地球員，紛紛爭相投效實現籃球夢，出身於永倫的陳兆榮亦不例外，來季將告別母會轉投東方，誓要操Fit自己踏上「職業路」。由於職業生涯短暫隨時要「搏一鋪」，陳兆榮幸得女友在背後默默支持、陪伴追逐「職業夢」，難怪作風一向低調的他，亦首度開腔答謝女友支持。

陳兆榮勇闖職業，多得女朋友「阿心」支持。

本地籃壇型男多，每逢有聯賽上演皆吸引不少美少女入場，然而「籃壇乖乖仔」陳兆榮心中則只得同樣是出名乖乖女的女朋友「阿心」。每逢說起籃球均滔滔不絕的陳兆榮，提到女朋友時即變「怕醜仔」：「我同佢喺大學認識，已經一齊3年。」自認一成不變的陳兆榮，坦承大部分時間都奉獻給籃球，每天都是練波與教波，幸好女朋友十分體貼從不「詐型」。

「跟得女友」從無怨言

陳兆榮如此形容女友：「雖然佢有時都會講笑問我『除咗籃球，你仲識啲乜？』我亦自知好多時會因為訓練陪唔到佢、忽略咗佢嘅感受，但佢從無怨言之餘更會鼓勵我，我真係好多謝佢嘅體諒。」

一周練6日 放假二人世界

陳兆榮下季加盟東方正式「打職業」，訓練質量定必大大提高，然而這位「乖乖仔」仍能以積極態度面對挑戰：「相信訓練量會係以前嘅2、3倍，我會加強體能訓練做好準備，以最佳狀態搏到盡！」

訓練增加肯定令陳兆榮私人時間大減，不過他受訪時亦承諾會盡量抽時間陪女友：「到時星期日放假一定會陪女朋友，星期一至六操練後都會等佢放工食晚飯。」小情侶間的一個簡單承諾，相信已令「阿心」甜到入心，有這位「跟得女友」支持，陳兆榮在新球季再闖高峰自然更事半功倍！