英超亞洲挑戰盃果然勁受歡迎，尋晚決賽更全場爆棚，氣氛high爆！雖然季軍戰史篤城兩粒輕取東道主新加坡明星隊，不過Peter黃興桂認為其表現一般，尤其埋門把握力認真麻麻，預計新季英超，史篤城未必可以攞到上季第9名咁好嘅成績。

原來「龍成邦」曾江（中）同葉尚華都係「拖肥躉」。

史篤城把握力麻麻

除咗Peter勁High之外，今次同行嘅好巴打「龍成邦」曾江亦感受甚深，呢位好戲之人大讚新加坡國家體育場好靚，仲話估唔到在場有咁多阿仙奴粉絲，近乎9成9都係「廠躉」！相反其決賽對手愛華頓球迷真係少之又少，另一位巴打葉尚華亦話佢哋應該着番件藍衫，原因係佢同「龍成邦」都係「十卜」愛華頓，但見到「拖肥糖」表現平平輸波，就真係跌晒眼鏡咯！