南華新季重點收購之一，卻在季前隨香港隊練波時受傷，致左膝十字韌帶受創的陳文輝，昨日假威爾斯親王醫院接受了手術，初步估計三個月後可恢復簡單操練。「受傷同等做手術嘅過程一啲都唔好受，慶幸有好多好朋友支持，特別係謝德謙！雖然我係新加盟，但南華上下喺事件上，都好照顧我，所以好想講聲多謝，多謝會方、多謝『波士』張生。仲有係『陳7』、『張峰』等等我，好快可以同你哋一齊操波 !」陳文輝笑說。
