籃壇擁有不少足球躉，高比拜仁至愛巴塞隆拿及美斯，拿殊甚至是溫哥華白帽班主之一，原來安東尼戴維斯都有鋪足球癮，就連女足亦不放過，大爆為撐朋友妻早前女子世盃喪捧「花旗」女足，果然夠義氣！

AD連打機數值都要勁過人，鬥心爆棚。

安東尼戴維斯昨午接受本報訪問時大講波經，自爆有睇剛結束的女子世盃，皆因要撐朋友妻：「塘鵝隊友賀烈地個老婆Lauren係美國女足中場，我睇女足都係撐佢！」被問到如何評價「女版碧咸」萊德的半場笠射，AD稱：「呢球波好癲，一定要有好勁腳力先做到。」

要證明實力喺籃球Game「增值」

對於成為籃球勁Game《NBA 2K16》封面，安東尼戴維斯稱感到榮幸，又表示只要能證明實力，2K團隊定會將其遊戲能力值提升，連打機都要比人強，足證這位22歲大前鋒鬥心十足。去季於MVP排名位列第5的「一字眉」又話，有今時今日成就多得父母支持：「如果你問，邊個係我生命入面嘅MVP，我會答係我嘅父母。冇佢哋日日督促、鼓勵同支持我，我冇可能有家陣嘅成就。」