香港車手方駿宇（Adderly）狀態Fit爆，繼在練習賽有好表現後，昨於GP3英國站排位賽再創佳績，即使被賽會突擊檢查戰車，以致鬥少了約2圈時間造出最佳圈速，但仍以1分47秒620奪得第7位，創下今季排位賽最佳名次。

代表Koiranen GP上陣的Adderly，上周五在練習賽排第9，賽後謙稱仍有大量進步空間，昨午排位賽，方駿宇雖然在第1次入維修站時被賽會突擊檢查，量度車重時因電線問題一度被阻，但Adderly返回賽道即搏命，最後造出今季最佳排位成績，僅落後頭車0.58秒，首回合排第7位起步。

難得「港產車神」未有自滿，更自言會再努力求進：「開頭畀人磅重，本來可以Push多一圈，但係最後冇呢個機會。不過我覺得自己對架車嘅感覺敏銳咗，更加合拍，操控更好，慢慢咁進步。」他又稱自己早前在日本贏得GT亞洲系列賽後，每次跳上車時心情平靜得多，成為今次創造佳績的一大原因。