林書豪抵港大陣仗，adidas除了委任這位NBA球星主持運動基地啟動儀式外，更斥資約8萬港元，從美國引入香港首部Shoot A Way投籃機，供林書豪施展投籃絕技，想偷師絕對要睇實！

大家可以親身試吓呢部連NBA球星都用嘅投籃機。

列迪克都用

Shoot A Way投籃機於美國相當盛行，前年全部68支有份參戰NCAA大學籃球錦標賽的院校，都有部投籃機「看門口」，快艇3分射手列迪克亦是用家之一。adidas稱這部技籃機將擺放於場內供稍後舉行的Streetball Challenge選拔使用，各位亦可免費玩，正！

adidas運動基地將於7月至8月初開放，逢一至五均有包括跑步、足球、籃球、瑜伽等主題體育活動供市民參加，工作人員只昨日已密鑼緊鼓「Set好架步」，迎接J.Lin及市民的來臨。