歐洲主流聯賽收晒咧，6月份驚冇波睇？唔使驚喎，因為仲有美洲國家盃嘛！美斯、尼馬、A山、卡雲尼、J神 …… 呢啲球星夠晒卡士啦！咩話？咁都唔夠吸引？加埋Coffee林芊妤又點睇先？Coffee除咗有得「單撈」同大家傾波經之餘，仲會每朝叫你起身睇波之外，亦會教大家做瑜伽鬆一鬆，大家望住Coffee嘅溫馨提示同教嘅瑜伽動作，醒神過堅係飲Coffee啦！

1.首先企直，然後左右手交搭，之後向左彎腰至水平，再向右彎腰至水平，可以鬆番繃緊嘅筋腱。

2.坐喺地下雙腳向前，雙手交搭然後將身體推前，直到雙手越過雙腳為止，可鬆弛腰與手。

3.盤膝坐喺地下，將整個人推向前直到水平線，重複動作可令腰部更靈活。

4.坐喺地下形成「一字碼」，先將身體盡量向左壓下，然後再向右壓下，來回做多次可令大腿不再繃緊。

5.盤膝坐喺地下，挺直身體將手提高，再將手掌屈下多次，可紓緩手部繃緊嘅筋腱。

6.盤膝坐喺地下，左手與右手同時擺到背部，兩隻手掌捉實拉扯，可鬆弛背部繃緊嘅肌肉。

今屆美洲國家盃大部分賽事都喺朝早舉行，相信唔少球迷都會提早起身睇完波先返工，睡眠時間一定唔夠，再加上長時間坐喺度睇波，自然會搞到腰酸背痛，隨時喺公司做嘢會無厘精神，影響工作表現畀上司話就唔好啦！Coffee擔心大家會出現呢個情況，所以佢會教幾招瑜伽嘅簡單動作，等大家鬆一鬆、醒一醒神。

仲有呀，呢啲瑜伽動作唔一定睇完波先做，平時一樣可以做，做得多自然令身體更加健康，咁就唔驚捱夜睇波「捱出病」啦！唔想執輸？大家今日記得「茫」住《東網》、更新吓個東網App，就知呢隻妹豬會介紹邊幾種瑜伽畀大家啦！