「大帝」送禮變倒米！騎士今年殺入NBA總決賽，「大帝」勒邦占士好心送禮物給一班隊友作獎勵，豈料「擺烏龍」忘了自己三星代言人的身份，送出死對頭出產的Apple手錶，慘遭傳媒恥笑「倒米」，結果占士團隊要補送三星手機「補鑊」。

勒邦占士

送三星手機補鑊

美國傳媒日前爆料，指「大帝」在總決賽開打前化身「送禮帝」，請隊友一齊「恤個靚髮」之餘，又送贊助商死敵Apple手錶給所有隊友。然而占士將其三星代言人身份拋諸腦後，受訪時回應：「我有幸同好多一流大公司合作，有時佢哋會送嘢畀我。無論有任何贈品，我都會同隊友分享，呢個係我同一班兄弟嘅相處方式。」

此時「大帝」尚未意識到禍從口出，幸好其助手聞言即時澄清，解釋Apple手錶是「大帝」過去商業夥伴─耳機生產商Beats所送的禮物，由於Beats已被Apple收購，所以今次才會送上Apple手錶作贈品。為了平息事件，占士團隊隨後再向騎士球員送贈三星最新手機。