Panasonic學界籃球邀請賽今個星期五至日喺修頓開波喇，呢項盛事已經舉行到第8屆，年年都有新嘢，今季犀利喇，有埋直播呀！

東網直播 全港最強！
Bob

一同見證學界王者誕生
Cathy@Sporty Girls

葉念琛

潘志豪

蔡芳裕

吳毅豪

ontv東網電視將會喺31號（星期日）直播決賽日全部賽事，當中包括兩場準決賽、兩場決賽，以及一場表演賽，阿Bob、李逸朗等明星會做表演嘉賓，「甲一籃神」蔡芳裕、潘志豪係我哋嘅現場評述，大會司儀由吳毅豪擔任。

除比賽外，當日仲會公布籃Teen微電影大賽嘅得獎學校，由名導演葉念琛做頒獎嘉賓。咁多精彩內容，你冇理由錯過啦，星期日東網約定你睇直播！

籃Teen微電影大賽 星期五截止 你Like咗未？

籃Teen微電影大賽今個星期五中午12點截止，你仲未Like呀？

18支參賽球隊各拍一套備戰微電影，等緊你嘅支持，中華基督教青年會中學，漢華中學女籃暫時領先，大家快啲上ontv體育台專區，邊套好睇即畀Like，支持學生們嘅無限創意。

獲得最多Like嘅學校，會獲得最受歡迎大獎，決賽日現場揭曉。