騎士掃走鷹隊，「大帝」勢成Legend！騎士昨日主場以118:88大炒鷹隊，直落4場於東岸封王，率先殺入總決賽。今仗攻入全隊最高23分的「大帝」勒邦占士，連續5年打入總決賽，超越名宿「小鳥」布特、「魔術手」莊遜各4次紀錄，獲好兄弟、熱火球星韋迪twitter致敬！

艾榮喺東岸決賽留力，總決賽先搏殺。（法新社圖片）

騎士時隔多年再次殺入總決賽。

超越布特 莊遜紀錄

騎士面對飽受傷疲煎熬的「殘鷹」贏得輕鬆，「大帝」上陣29分鐘貢獻23分、9個籃板及7次助攻，其拍檔艾榮膝傷雖然未愈，但亦上陣攻入16分，率領球隊以30分大炒鷹隊，東岸決賽連贏4場封王。占士過去4年帶領熱火勇闖總決賽，追平布特及「魔術手」連續4次入總決賽紀錄，今次再有機會為家鄉球隊爭奪總冠軍，更創下了一大壯舉。

過去有8名球員曾連續5次以上殺入總決賽，均來自於50、60年代塞爾特人的8連冠王朝，當中包括傳奇球星標羅素（8次）。雖然「大帝」的5次紀錄與「綠軍傳奇」仍有段距離，但能達成這里程碑實屬難能可貴。其老友韋迪在賽後即時於twitter留言恭賀：「恭喜我位好兄弟占士連續5次打入總決賽……有好多人都唔知呢個壯舉有幾難。」