同人唔同命，勇士王牌「咖喱仔」史堤芬居里，在對灰熊Game 6第3節完結前，在自己半場射入一球62尺三分波，將對手士氣一下打沉，最後大勝108:95，晉級西岸決賽；相反巫師老將皮雅斯未能重演對鷹隊Game 3絕殺好戲，完場一刻命中救命三分球，惟球證翻看重播時，證實出手前大鐘已顯示完場，巫師以91:94不敵鷹隊，總場數2:4被淘汰出局。

居里（左）得分能力廣，遠射切入一樣咁掂。（法新社圖片）

皮雅斯差0.1秒，就可以再創奇迹。（美聯社圖片）

「咖喱仔」平常都會練習高難度跳投，在主場比賽時更會在球員通道對出射3分波，想不到昨日一戰可以「學以致用」。第3節完結前灰熊的謝夫格連在禁區頂起手被伊古達拿封走，居里一接到皮球即時奮力一推，將籃球不偏不倚送入籃框，途程足有62尺遠，就連教練卡爾都大讚這一球是今戰最佳一射。居里在賽後說：「喺一場咁重要嘅比賽，呢個3分波可以話係一個轉捩點。我之前喺大學都試過咁入波，亦係最後一次喺比賽中半場得分。」

自己半場射入遠程3分

這名今季常規賽MVP，今戰外圍13射8中，全場貢獻32分、10次助攻，率領西岸「1哥」勇士以13分之差大勝晉級，39年後再次打入西岸決賽。西岸另一場4強大戰，火箭周一將在主場與快艇進行Game 7，決定哪一隊在西岸決賽鬥勇士。(now635台周一早上3:30直播)

皮雅斯壓哨失敗巫師出局

東岸「1哥」鷹隊昨日亦贏波晉級，不過過程比勇士驚險得多。鷹隊完場前以3分領先，巫師將追和一擊交給老將皮雅斯負責，後者亦不負所託射入追和3分波。不過，經球證即時觀察重播時，發現皮雅斯起手時大鐘已經顯示完場，最後改判皮雅斯的入球無效，飲恨出局。鷹隊最後以94:91險勝，總場數以4:2晉級，隊史首次殺入東岸決賽，對手是日前擊敗公牛的騎士。