入圍本年度勞倫斯體育獎候選名單，梁育榮滿心歡喜北上赴會，為的未必是領獎，而是希望與偶像見面，他說：「我是曼聯球迷，最喜愛的球員是曾踢過曼聯的C朗，雖然今次見不到他，但竟然能與卡富及簡東拿合照，已經好開心。」

可以同卡富合照梁育榮勁開心。

簡東拿（右）

「肥榮」鍾意打機，鍾意睇波，和他傾波經更是滔滔不絕：「睇世界盃我支持巴西，英超就一定睇曼聯，可惜『紅魔鬼』近兩季唔爭氣，我都好唔開心。」

打Winning自己落場

為了睇波，「肥榮」有時候不惜捱夜，再與工作及練習時間進行「協調」，他說：「現時體院逢周日可以全日朝九晚五給我們練習硬地滾球，因此周六晚睇英超都會『就一就』，只睇半場波，其餘賽事睇精華。」

至於打機，男人老狗當然要打「Winning」，他說：「我沒有特定球隊，球員是我自設角色，球員名就是『梁育榮』，還會在網上約戰對手。」