全港學界足球精英賽，今日早上11:00假蒲崗村道公園足球場上演王者爭霸戰，決賽由喇沙書院硬撼力求衞冕的拔萃男書院。12年後重返決賽的喇沙，為爭該校首個精英賽冠軍，賽前最後一課更「辣操」3小時，全隊上下士氣高漲，更揚言要踢出「不死靈魂」！

喇沙上下一心，誓要踢出該校「不死靈魂」。

喇沙最後一課「辣操」3小時，為今日王者戰做足準備。

領隊黎柏勇（左二）坦承贏波捧盃會係額外獎賞。

今日賽程

為備戰今日與男拔萃的大戰，喇沙昨晨特別加操，訓練內容主要針對改善防守問題，負責把守最後一關的三名門將，除了不停鍛煉撲救之外，更特別加練12碼。面對力爭衞冕的男拔萃，喇沙領隊黎柏勇坦承今場對手比4強對手英華更難打，整體實力都在喇沙之上，不過他仍強調希望球員踢出喇沙精神，以「不死靈魂」拚到最後。

入決賽超額完成 黎Sir：贏波係Bonus

喇沙在4強以2:1爆冷擊敗上屆亞軍英華書院，黎Sir表示能殺入決賽絕對是超額完成，贏波將會是額外獎賞。然而由於喇沙有多名中六球員要應付文憑試，又有兩名正選球員抱恙，故出場陣容至今仍未能確定。

現就讀中六的喇沙隊長Adam Boulanger，昨日暫時放下書本與校隊「共同進退」，這位隊長揚言：「落到場，一定會搏到盡！」他又認為今場勝負關鍵在於球員的態度，希望隊友面對強敵男拔萃亦不會「怯」，能夠盡力做好自己，以態度取勝。今早9:30會先上演季軍戰，由英華書院大戰賽馬會體藝中學。