東岸「1哥」鷹隊昨日主場出擊，與騎士合演東岸決賽前哨戰，成功頂住攻擊力一流的客隊，當中小前鋒卡路爾更擔演「大帝終結者」角色，令騎士的勒邦占士全場只得18分，並有9次失誤。鷹隊最終以106:97力挫騎士，「大帝」輸波後自批表現太差，就如垃圾一樣！

鷹隊106:97騎士
卡路爾（右）搞到占士冇晒面。（美聯社圖片）

NBA常規賽周一秩序

煩到占士得7射1中

已確定打入季後賽的鷹隊，今仗以壓迫性防守抵擋騎士進攻，不讓其主力勒邦占士及艾榮隨心所欲地策動攻勢，高壓防守更令二人分別有9次及5次失誤。除了失誤多多，「大帝」今仗受鷹隊處處掣肘，導致手感一般，全場13射只得5中，面對鷹隊的卡路爾時，7射僅1球中鵠，命中率低至14.3%。占士受制於卡路爾，更要以「超技術」得分，但被吹罰進攻犯規，與球證理論時被罰技術犯規。

今季對賽3勝1負

鷹隊防守出色之餘，進攻亦如魚得水，全隊共6人得分達雙位數。儘管騎士曾在第3節狂轟36分，將比數拉近，但主隊第4節再度發力，終以9分之差擊敗騎士，取得6連勝。鷹隊、騎士今季常規賽4戰系列賽已經全數打完，前者面對有占士、艾榮及路夫壓陣的騎士，依然錄得3勝1負的佳績，難能可貴。

「大帝」今場表現奇差，賽後亦狠批自己：「一講起啲失誤，我只可以講自己表現好曳。今場9次失誤，我認為有5次係無壓力下犯錯，簡直係垃圾一樣。我喺呢一方面真係要好好改進。」他又表示今戰鷹隊以策略擊倒騎士，自己準備不足才會輸波。

成功牽制占士的「大帝終結者」卡路爾，聲稱自己的任務很簡單：「我只係想好似啲飛蟲一樣，喺佢身邊飛嚟飛去咁騷擾佢，令佢唔可以打得咁舒服。」