「翻生」加素轟46分，率公牛挫公鹿！公牛昨日主場迎戰公鹿，雖有戴歷羅斯缺陣，但大前鋒加素狂轟46分，並摘下18個籃板，成為「波神」米高佐敦後另一位造出這種驚人數據的公牛球員，帶領球隊以95:87贏波，賽後更獲教練泰保杜大讚！

加素（右）重拾昔日狀態，湖人會唔會後悔呢。（美聯社圖片）

周日戰果

NBA常規賽周二秩序

加盟公牛多項數據創高

34歲的加素近年在湖人表現開始走下坡，今夏以自由身加盟公牛，成功迎來球員生涯「第二春」，多項數據都是近4季最高。昨日對公鹿一戰，公牛主將戴歷羅斯因膝蓋痠痛缺陣，加素獨擔大旗獨取46分之餘，更搶下18個籃板，成為自「波神」於1990年之後，另一位造出「46+18」的球員。公鹿有4位球員得分達雙位數，但始終無法抵擋加素，公牛結果以8分之差贏波，終止兩連敗。

加素賽後感謝隊友不斷傳波給自己，泰保杜就大讚年薪僅713萬美元（約5,528萬港元）的加素：「加素咁多年都係聯盟中技術層面最高嘅其中一名大前鋒，佢依家都仲係。以佢今場喺攻守兩方面嘅表現，我哋真係好難輸！」