「股神」入場撐騎士，「大帝」發威滅黃蜂！騎士昨晨主場迎戰黃蜂，「股神」巴菲特親臨球場為老友「大帝」勒邦占士打氣。占士得忘年之交大讚「醒目仔」即時大發神威，交出27分、13次助攻，率騎士以97:88擊敗黃蜂，終止連輸兩場的頹勢。

占士（左）喺老友巴菲特面前表現特別Sharp醒。（美聯社圖片）

騎士贏波，巴菲特上前恭賀占士。（美聯社圖片）

NBA周四常規賽秩序

周二戰果

騎士滅黃蜂「止血」

勒邦占士7年前於巴菲特的家鄉奧馬哈市認識「股神」，兩人多年來一直有電郵來往。巴菲特日前睇完NFL比賽後繼續其「睇波之旅」，轉戰克利夫蘭市觀看「大帝」効力的騎士主場對黃蜂一戰。「股神」今場特地穿上「大帝」波衫，賽前接受當地傳媒訪問時，更大讚勒邦占士有生意頭腦：「佢本身已經係個醒目仔，好識點做生意。7年前我第一次遇到佢已經有咁嘅睇法，占士無論喺場內、場外都表現出佢有幾醒。」「大帝」表示一直有向巴菲特請教如何做生意，更豪言希望未來20年內能成為像巴菲特一樣的億萬富豪。

騎士昨仗開波後即打出一段21:0的攻勢，雖然之後領先差距被縮窄，但有老友捧場的占士仍以27分、13次助攻的「雙雙」表現，帶領球隊以9分挫黃蜂，兩連敗後及時「止血」，騎士明日會於主場迎戰鷹隊。

（now678台周四早上8:00直播）