巫師昨仗主場迎戰溜馬進行東岸準決賽Game3，結果以63:85慘敗，總場數落後1:2，該隊全場只得63分，造出隊史季後賽單場得分最低新紀錄，比之前的75分紀錄要少12分，引來記者們嘲笑道：「巫師全場攞63分，米高佐敦（Michael Jordan）1986年4月21日對塞爾特人一個都攞63分啦！」

溜馬（黃衫）但求贏波，唔介意被批評進攻差勁。（美聯社圖片）

NBA季後賽周一秩序

周六戰果

溜馬靠防守領先2:1

63分除創造巫師隊史季後賽新低紀錄外，亦是NBA進入計時器時代以來出現的單場季後賽第4低得分（並列），以及主場球隊季後賽單場最低得分紀錄。巫師昨仗命中率只有32.9%，但其實溜馬命中率亦僅得41.9%，兩隊的進攻表現同樣差勁。不過，溜馬眾將對此並不在乎，他們認為只要贏波就可以接受。

溜馬主將保羅佐治（Paul George）表示：「呢場可能係季後賽到目前為止（進攻）最差勁嘅賽事，但呢啲（防守）就係我哋嘅風格。唔理你鍾唔鍾意，防守就係我哋嘅標籤。我們能夠行到依家，靠嘅就係防守。」雙方第4戰明早續於華盛頓進行。（now678台周一早上8:00直播）

NBA聯盟同時宣布前時代華納行政總裁帕森斯（Richard Parsons）已被任命為快艇臨時CEO，負責球隊日常事務。據悉，聯盟與快艇主帥兼籃球事務副總裁李華士（Doc Rivers）達成共識後才作這個決定。