灰熊擒鳳凰城趕上西岸尾班車！灰熊昨日憑「Z-Bo」蘭度夫（Zach Randolph）攻入全場最高32分，作客以97:91擊敗鳳凰城太陽，奪得西岸季後賽最後一個席位，東、西岸16強名單亦全部落實。至於火箭同日主場勇退馬刺，21年來首次於常規賽4場賽事橫掃對手，同時確定以西岸第4種子身份參加季後賽。

灰熊的東尼阿倫（右）被太陽球員夾擊。（美聯社圖片）

贏波功臣蘭度夫同粉絲擊掌慶祝。（美聯社圖片）

周二戰果

周二戰果NBA常規賽周四秩序

NBA東西岸排行榜

火箭贏馬刺做第4種子

灰熊贏波除因主將「Z-Bo」單人匹馬攻入32分外，亦要多得太陽控衞達基斯（Goran Dragic）於關鍵時刻出現致命失誤，達基斯在球隊失落季後賽席位後，難掩失望之情：「依家真係好難講到啲咩正面嘢，只可以話球隊向住正確方向邁進緊。」

同日，火箭「高富帥」前鋒柏臣斯（Chandler Parsons）賽前遇上車禍，他開車時被一名衝紅燈的女司機撞上，幸好未有受傷，並能趕及上陣鬥馬刺，更攻入全場最高21分，帶領球隊主場以104:98擊敗對手，在1992至93年球季後再次於常規賽對賽贏晒，今場勝仗亦令火箭肯定以西岸第4種子出戰季後賽，並得到首輪主場優勢。