湖人為錢K.O.「小飛俠」？！「紫金兵團」昨日宣布高比拜仁（Kobe Bryant）今季提早「收咧」，根據聯盟保險條例，保險公司將會代湖人支付高比仔最後16場比賽的薪酬，事實上，如果「小飛俠」沒有在季中復出上陣6場的話，湖人將可多獲743萬美元（約5,769萬港元）賠償！

高比左膝康復進度唔理想，宣布今季玩完。（資料圖片）

安東尼（左）講明積遜來投唔會影響自己去留。（美聯社圖片）

NBA常規賽周六秩序

周四戰果

占士唔識做怨代言手機唔見數據

高比左膝骨折傷勢未有好轉，昨晨透過球會發聲明表示失望，並希望在來季訓練營復出。根據NBA勞資協議規定，每隊最高薪的5位球員若因傷連續缺陣41場，保險公司會支付球員之後缺陣場數的8成薪酬。高比「收咧」將連續缺陣57場，保險公司會賠償最後16場、約475萬美元（約3,688萬港元）波糧。如果「小飛俠」整季休息的話，湖人可得到約1,218萬美元（約9,456萬港元）賠償。高比6場比賽令湖人要自支743萬美元。

高比宣布今季「打柴」，其「恩師」積遜（Phil Jackson）就準備出山。《紐約郵報》指積遜已答應紐約人邀請擔任總監。惟主將安東尼（Carmelo Anthony）昨在球隊作客輕取塞爾特人勇奪5連勝後，表示「禪師」加盟與否都不會影響自己決定今夏去向。

另外，熱火球星勒邦占士（LeBron James）昨於twitter抱怨自己的三星手機數據無故被刪除，可能其後才想起自己是該品牌的代言人，所以立刻「補鑊」說是虛驚一場。