火箭控衞比華利（Patrick Beverley）上季令雷霆「韋仔」韋斯布克（Russell Westbrook）受傷收咧，昨日到俄克拉何馬城作賽即時被雷霆球迷狂噓，但仍不知收斂，不時出術偷襲「韋仔」，後者終化怒火為力量，與拍檔杜蘭特（Kevin Durant）合力炸散火箭，成功復仇！

韋斯布克（右）差啲畀戴面罩嘅比華利辣着。（美聯社圖片）

周三戰果

NBA常規賽周五秩序

上季撞到「韋仔」收咧

「乞人憎之霸」比華利在上季季後賽撞傷「韋仔」，令後者膝蓋受創提早收咧，惟比華利收到死亡恐嚇仍未知驚，今仗不時故意挑釁韋斯布克，而且再次偷襲「韋仔」，兩人更差點「開片」，幸後者最終能保持冷靜，全場貢獻24分、7次助攻，令只有2分、5次個犯的比華利變得黯淡無光。「韋仔」最後與轟入42分的杜蘭特，協助球隊於主場以106:98力挫火箭。

傳高比將宣布今季玩完

賽後比華利仍囂張地說：「我對住咩人都係咁打，冇所謂嘅私人恩怨。每場我都係咁打，只係想為球隊贏波。」至於杜蘭特就大讚韋斯布克對對手挑釁的忍耐，成為出色表現的原動力。

雷霆周五將在主場鬥湖人，有傳「紫金軍團」王牌高比拜仁（Kobe Bryant）會在今周內宣布今季正式收咧，專心養好左膝傷勢。

（中央5台及廣東體育周五早上9:30直播）