最近遭逢3連敗頹勢的熱火，昨日憑「大帝」勒邦占士（LeBron James）提早4小時到球場加操，找回過去3場沒有的手感，對巫師一戰15投10中攻入23分，助球隊主場以99:90力挫巫師，結束連敗走勢之餘，更成為聯盟第2支球隊提早奪得季後賽席位。

占士（左）攻入23分，幫熱火止跌。（美聯社圖片）

周二戰果

NBA常規賽周四秩序

「大帝」此役一掃過去3場低迷表現，全場投球命中率高達67%，得23分進帳，另貢獻7個籃板球及8次助攻。勒邦占士贏波後心情大好，表示這場勝利來得非常及時，並強調提早到場熱身對他找回狀態起到很大幫助。他說：「最近我同球隊狀態都唔好，所以今日特登提早4個幾鐘嚟球場熱身。點知到球場先發現有小朋友喺度打緊波，所以要喺更衣室等到佢哋活動結束先可以操練。」熱火贏波後，成為溜馬後另一確保季後賽參賽資格的球隊。

日日睇排名要做常規賽一哥

雖已晉級，然而LBJ透露自己甚關注溜馬的成績：「係呀，我日日都會去睇排名，雖然我唔會按排名嚟打波，不過所有人都明白成為常規賽一哥有幾重要。」熱火明早將於主場迎戰籃網。（開賽時間：周四早上7:00）