艾佛遜（Allen Iverson）球衣榮休生活無憂！叱咤籃壇15載的「戰神」艾佛遜去年10月底宣布退役，母會76人昨日為這位球會Icon進行3號球衣榮休儀式，更大手筆贈送豪華「答案號」小艇及墜手金腰帶予財困「AI」，絕對是有情有義。艾佛遜在3號戰衣榮休儀式上發表講話一度落淚，並揚言「費城永遠是我家」，催淚致詞感動全場！

76人3號呢個號碼自此永遠屬於艾佛遜。（美聯社圖片）

76人（右）喺艾佛遜面前失威，好彩冇激親AI。（美聯社圖片）

周日戰果

NBA常規賽周二秩序

96年以狀元身份踏足NBA的艾佛遜，球員生涯曾兩度効力76人，並於該支東岸隊伍度過12個球季，期間曾帶隊於01年殺入總決賽，職業生涯亦獲得1次常規賽MVP、4次得分王並連續11年入選NBA全明星隊，堪稱76人最具代表性球員之一，難怪會方錫到「戰神」燶。

師弟掃興輸波繼續沉淪

昨日76人於主場以103:122不敵巫師繼續沉淪，不過焦點就落在艾佛遜身上，會方昨於半場休息時段舉行球衣榮休儀式，除了將「艾佛遜永遠是76人」的Logo印在球場地板之外，一眾球員亦統統穿着「戰神」的3號Tee落場向這位大師兄致敬。

3號球衣正式榮休，38歲的艾佛遜與張伯倫（Wilt Chamberlain）、巴克利（Charles Barkley）及「J博士」艾榮（Julius Erving）等76人名宿睇齊。這位主角待球場天幕電視播畢其生涯精華後，便眼濕濕向在場球迷表示：「首先我要感謝媽媽，係佢帶領我走上籃球路，唔理係順境定逆境佢都咁支持我。我亦都要多謝自己嘅小朋友同一眾球迷，係你哋為我帶嚟打波動力。」

戴貴頸鏈「證」財政OK

一度落淚的艾佛遜續稱：「費城永遠都係我屋企，我愛呢度，費城嘅球迷係全世界最好嘅球迷！」近年屢傳瀕臨破產的艾佛遜，昨以一身美國hip hop樂隊Run-D.M.C.的經典Look落場，加上戴着勁粗名貴頸鏈，似乎想證明自己財政Okay。76人會方亦錫住這位Icon，除了向前者贈送重量級金腰帶外，得悉「AI」退休後想釣魚，更大手筆送贈一艘「答案號」豪華小艇予艾佛遜，「AI」收厚禮肯定開心。