今季聽得最多的NBA新聞，不外乎是「XX插水被警告」、「XX插水罰款5,000美元」，正當各位球迷聽到厭之際，B仔卻認為聯盟樣樣執到正實屬抵讚。不少人都認為睇足球比睇NBA過癮，皆因籃球太多停頓位，節奏不夠流暢，但若果要從公平與流暢之間做抉擇，小弟寧願要一場不流暢的公平比賽。

小弟睇得英超多，發現盲毛球證比比皆是，插水搏12碼、越位誤判、粗野攔截後牌都冇張等冤案多不勝數，在今科技發達的世界，足球場上仍要靠估、靠肉眼去做判決，傻的嗎？如果球壇能夠仿效NBA般有即時重播系統，不公判決肯定會大幅減少。