超級碗貴為美國體壇年度盛事，NBA都知「唔夠撼」要讓路，故昨晨只安排塞爾特人對魔術1場常規賽。一眾籃壇球星亦趁機感受超級碗狂熱，以為柏臣斯（Chandler Parsons）入場坐包廂睇波夠豪？足不出戶的雷阿倫（Ray Allen）用自家巨型屏幕睇直播絕對豪得多多聲！

NBA常規賽周三秩序

周一戰果

柏臣斯 占士夏登 班到包廂波飛

據《休斯敦紀事報》透露，火箭「大鬍子」占士夏登（James Harden）出機票，靚仔隊友柏臣斯則靠贊助商協助，獲得兩張超級碗包廂波飛現場睇波。不過熱火老將雷阿倫更豪，為迎接今屆賽事，特別於家中泳池旁邊安裝35呎超巨型屏幕，並邀請勒邦占士（LeBron James）到訪齊齊「印印腳」睇直播，認真大陣仗。

另據《ESPN》報道，明早主場硬撼公牛的太陽（now678台周三早上10:00直播），計劃以奧卡科（Emeka Okafor）的到期合約加首圈選秀權交換湖人球星加素（Pau Gasol），做好衝擊季後賽準備。