其實有關「娜姐」啲獎金爭議都唔係第一次，早喺2011年法網，李娜同樣攞咗冠軍，湖北省政府就拎咗60萬人民幣畀佢做獎金，當時已經令好多人詫異，異口同聲質疑政府呢筆獎勵究竟有咩依據，事關對李娜嚟講，60萬根本係濕濕碎，之後「娜姐」仲將除稅後嘅48萬，自己再拎多2萬出嚟，湊夠50萬捐晒畀武漢市一間養老院，湖北省政府咁樣搵嚟搞，難怪有大陸網民都話：「拿着不是自己的錢，去獎給一個不需要錢的人，這是多無聊的事情呀！」
