丁俊暉出局賴地硬？丁俊暉於大師賽首場對梅菲的賽事，未開波先遇停電，領先4:2後又突然失魂出現多次失誤，其中第8局有6次低級錯誤，擊球成功率只有44%，比業餘球手更低，最終連輸4局被梅菲逆轉。梅菲晉級之後會對香港天王傅家俊。

(now637台周四晚9:00直播)

連輸4局坦言「我唔鍾意呢度」

大師賽多年來都於溫布萊舉行，自2012年就轉到亞歷山德拉宮舉辦，丁俊暉從未在此贏過波，今年大師賽第1場賽事，未開波個場突然停電，小丁呆等75分鐘才能開波。小丁心情受影響下，對梅菲打至領先4:2之後失準連輸4局，未能促成中國打吡。

梅菲8強鬥Marco

賽後丁俊暉表示：「我唔鍾意呢度，我曾經喺溫布萊贏過冠軍，但自從搬嚟亞歷山德拉宮我再未贏過。」相反梅菲就用停電開玩笑寸番小丁：「我唔知贏波係唔係停電帶畀我好運呢？又唔係世界末日，咪好似網球落雨推遲一樣啫。」梅菲8強會對傅家俊。另外，「火箭」奧蘇里雲Hea打仍贏對手九條街，以6:1大勝米健士。