「小飛俠」復出佗衰湖人？洛杉磯湖人昨晨大戰雷霆，因傷兵滿營，搞到要高比拜仁（Kobe Bryant）客串擔任控球後衞，結果客場以97:122慘遭雷霆血洗。高比仔復出後遭逢尷尬3連敗，今仗更輸到毫無還擊之力，高比拜仁於第4節尚餘5分20秒時更提早離開球場返回更衣室，高比仔並沒有受傷，只是對球隊大比數落後「冇眼睇」！

高比（左）完全畀杜蘭特比下去。（美聯社圖片）

同樣係經歷重傷，韋斯布克（右）就已完全回復高水平。（美聯社圖片）

周六戰果 前者主場；賽果僅供參考

NBA常規賽周一秩序

全場入得4分

由於3名控衞拿殊（Steve Nash)、布力克（Steve Blake）同法馬（Jordan Farmar）齊齊受傷，「小飛俠」被迫出任正選控衞，亦是他復出3場賽事打的第3個位置。高比仔今場雖然交出13次助攻，但全場只射入4分，而且出現全場最高的7次失誤，最終湖人慘被大炒，球隊在他復出後更遭逢3連敗，西岸排名急跌至第13位。

今場最後一節已變成「垃圾時間」，重傷初愈的高比仔並沒有落場，不過向來以鬥心強勁見稱的「小飛俠」，竟然在賽事結束前五分鐘便提早離開球場，似乎不想看着球隊被凌辱的慘況。湖人教練迪安東尼（Mike D'Antoni）賽後就力撐高比仔：「冇靈丹妙藥可以令高比仔即刻上力，但佢會慢慢適應，隊友亦會適應同佢合作。」

加素嗌走人

湖人陷入低潮，昨日更有消息指主將加素（Pau Gasol）因不滿球隊戰術，與迪安東尼鬧不和，事實上湖人亦沒有將加素列入球隊重建的計劃中，有可能會在轉會限期前將該西班牙球星交易。至於贏波的雷霆明早續於主場迎戰魔術，有望再下一城。