「爛蘋果打吡」籃網輸波又輸品！兩支戰績勁爛的「大蘋果（紐約花名）」隊伍紐約人及籃網昨日正面交鋒，籃網持續沉淪以83:113向紐約人俯首稱臣，勁輸30分已經羞家，這支「億萬大軍」更輸埋品，陣中大前鋒加納特（Kevin Garnett）撩交打險釀群毆，教練傑特（Jason Kidd）更被球迷要求下台，令籃網成為聯盟最大笑話。

加納特（中）同巴格蘭尼（左）差啲打起嚟。（美聯社圖片）

估唔到傑特教波原來咁屎。（美聯社圖片）

NBA常規賽周日秩序

KG險釀群毆 記者會爆粗

紐約人連輸9場，陣中王牌安東尼（Carmelo Anthony）賽前雖以「聯盟笑料」形容自己隊波，但同時揚言「紐約打吡」冇得輸，「甜瓜」果然講得出做得到，昨仗貢獻19分、10個籃板球及6次助攻，成為紐約人大勝的最大功臣。反觀籃網表現依舊「一鑊粥」，戰至第4節大幅落後20分時，加納特更與紐約人「長人」巴格蘭尼（Andrea Bargnani）發生衝突，幾乎引發雙方球員群毆，儘管最終順利平息，但由於KG於賽後記者會爆粗，預計將面臨聯盟處罰。

籃網大敗球迷群情洶湧，不少Fans紛紛向教練傑特柴台，完場後更喪嗌「傑特下台」口號，這支「億萬大軍」明天造訪東岸弱旅公鹿，「神奇小子」想保住飯碗的話，不容再失。