國際足協尋日公布世界盃抽籤前最新世界排名，由於葡萄牙喺附加賽大發神威，排名急升9級至第5位，僅次於前4位嘅西班牙、德國、阿根廷同哥倫比亞，不過國際足協早喺10月份已經定出世界盃種子名單，葡萄牙今次「遲來攀升」並唔能夠令佢哋成為種子隊。至於決賽周球隊當中，排59位嘅澳洲係世界排名最低嘅一隊。