林書豪（Jeremy Lin）做後備殺出新血路！「林瘋」貫徹近期強勢，昨日在大師兄姚明（Yao Ming）面前貢獻「16+4+7」，協助火箭主場以122:111打殘金塊，就連丹佛傳媒都睇好「林瘋」有力競逐「最佳第6人」殊榮！

林書豪（中）喺姚明面前打出身價。（美聯社圖片）

NBA常規賽周二秩序

周日戰果

睇好做最佳第6人

今季火箭改由比華利（Patrick Beverley）擔任正選控衞，被貶後備的J.Lin反而更爭氣，昨仗後備登場交出16分、4個籃板及7次助攻，近4場波喪入102分，帶領火箭大勝金塊11分，睇到專程到豐田中心為火箭打氣的姚明拍爛手掌。

J.Lin賽後自爆其母親經常與「姚媽媽」通電，兩家人關係密切，並感激姚明一直以來對他的幫助。丹佛傳媒認為，「林瘋」以後備身份出戰壓力反而較細，若能保持水準絕對是「最佳第6人」熱門人選。

同日另一焦點，則是公牛靠戴歷羅斯（Derrick Rose）攻入20分，主場以110:94擊敗溜馬，打破對手新季不敗身，公牛明早續於主場鬥山貓有望力爭5連捷。