馬刺3巨頭於德州人氣爆晒燈，鄧肯、柏加及真路比利一直是德州連鎖超級市場H-E-B的御用代言人，新星李安納（Kawhi Leonard）最近更「加入戰團」，夥拍3位老大哥齊齊拍攝新一輯廣告，據《聖安東尼奧快訊》透露，NBA行政總裁史端（David Stern）都勁Buy，並透過電郵形式向各支NBA球隊發送廣告片段，希望列強的市場部偷師，學曉如何為旗下球員做Promote。

新一輯H-E-B廣告於美國時間上周五出街，4位球星分別拍攝了4條片Sell洗衣粉、薯片、牛奶及牛扒，個個廣告都抵死兼搞笑。

李安納初登廣告界就大受歡迎，不過這位小將就自爆拍攝期間的辛酸史：「我份人好少講嘢，拍攝當日猛咁食螺絲，最慘係拍牛奶嗰個廣告，因為猛咁NG，焗住飲咗勁多奶，而家諗起都怕怕！」