戰罷兩季NBA才醒覺自己是右撇子，場上「懵盛盛」的湯臣原來在場外極具潮流觸覺。時尚雜誌《complexstyle》上星期公布25位「最識襯衫運動員」，結果湯臣就力壓安東尼（Carmelo Anthony）、韋迪（Dwyane Wade）及勒邦占士（LeBron James）等一眾潮人進佔第4位，奠定籃壇潮流達人地位。

《complexstyle》更刊登了一張湯臣型仔相，並撰文大讚前者識襯衫：「唔少NBA球員都鍾意着貴衫突出自己，但好似湯臣咁識得着而又襯得絕就真係好少見。由比賽日嘅巴黎世家襯Thom Browne，去到平日出街着Givenchy襯En Noir，已經睇得出湯臣嘅時尚觸覺唔簡單。」之不過湯臣仍未滿足，日前透過twitter發表潮爆宣言，揚言來年目標要做體壇至型球員！