簡約衣着，T恤加波褲係高比至愛。

NBA球星被視為潮流指標，「閃電俠」韋迪（Dwyane Wade）及雷霆控衞韋斯布克（Russell Westbrook）更堪稱「NBA潮人」，反觀昨日訪港的高比拜仁則以一身簡約Tee及籃球褲「街坊Look」出巡，「小飛俠」坦言：「時裝呢樣嘢好難講，唔少NBA球員鍾情奇裝異服，我個人就鍾意着得乾乾淨淨，Classic同簡約嘅衣着至啱我！」果然夠性格。

簡約衣着，T恤加波褲係高比至愛。

高比點睛

坐爆修頓

高比擔任NIKE League頒獎嘉賓。

大家都知高比乃忠實足球迷，早前更專程到AC米蘭訓練基地「朝聖」，「小飛俠」昨日受訪時大談波經，大讚湖人隊友拿殊（Steve Nash）腳法較自己好之餘，又表示「紅黑兵團」乃其「飛佛」：「我最鍾意AC米蘭，本身都有睇美斯、C朗、巴洛迪利同尼馬等球星踢波，仲欣賞西班牙水銀瀉地嘅攻勢。」

康復進度樂觀

高比拜仁去季因跟腱撕裂提早收咧，傷盡萬千球迷心，不過這位湖人Icon就向廣大Fans報喜：「我康復進度唔錯，有晒時間表。」講到湖人一眾新兵，高比表示目前一班兄弟仍在摸索階段，仍要努力磨合去擦出火花。