高比企喺對聯前合照，啱晒鍾意中國風嘅佢。

「功夫迷」高比拜仁（Kobe Bryant）襲港收禮物High爆！NBA巨星高比昨展開遠東之旅首站香港站，先後踩落旺角波鞋街及灣仔修頓室內場與球迷作近距離接觸，期間獲「粉絲」送上雙節棍，氹得這位功夫發燒友「四萬咁口」，之後「小飛俠」接受本報專訪時自爆至愛李小龍，又表示學緊截拳道，似乎對中國文化非常Like喎！

高比企喺對聯前合照，啱晒鍾意中國風嘅佢。

逼爆旺角

剛在澳門取得「十連勝」的拳手曹星如（右），最難忘係高比以「打拳」姿勢同自己打招呼。

高比趁下午空檔到山頂欣賞維港景色。

乘私人飛機抵港的高比，訪港首站即殺落波鞋街，出席贊助商NIKE新舖開張儀式，同場還有拳手曹星如及港籃猛將羅意庭。即使高比遲大到近1粒鐘，仍無損在場數百球迷的熱情，一眾「高比躉」不斷大嗌：「Kobe！MVP！Kobe！MVP！」迎接偶像出場，場面墟冚。高比先與一位專門收藏其球鞋系列的發燒友會面，更為後者所提供的24對高比波鞋系列專櫃舉行亮燈儀式。之後「小飛俠」獲數位球迷贈送禮物，當中有球迷知道高比乃功夫迷，故特意送贈一支雙節棍，氹得高比主動擁抱這位「醒目」球迷。

球迷晨早6點開始守候

這位湖人球星其後為醒獅進行點睛儀式，臨走前更於門口向球迷拋籃球，將現場氣氛推上頂點，不枉有球迷晨早6點已到場霸位。高比其後到修頓室內場為Nike League賽事擔任頒獎嘉賓，在場球迷見到高比出現後紛紛報以熱烈歡呼聲。「小飛俠」於頒獎前更勉勵球員們要努力打好籃球，不要輕易放棄。

晚上突然殺入花墟球場

向來醉心中國武術的高比拜仁，視李小龍為偶像，更曾經推出球鞋紀念這位武打巨星，適逢今年為李小龍逝世40周年，高比在專訪中表示：「我最欣賞李小龍夠勇，敢於挑戰改變現狀，呢點真係值得欣賞。」高比仔更透露自己有學武：「我學緊截拳道，當球季展開時，我要專心練波，所以唔可以花太多時間練習。」高比昨日遊勻港九後，晚上更突然殺入花墟球場，同球迷近距離接觸，給大家一個驚喜！