Shirley(右)帶埋包包與桌總代表接機。

剛在澳洲公開賽贏得職業生涯第2個排名賽錦標的香港桌壇「Wonder爸」傅家俊,昨晚帶着大大隻獎盃自墨爾本凱旋抵港,儘管感冒未清難掩倦容,但Marco踏出機場,望見太太Shirley和女兒「包包」送上鮮花即笑逐顏開,他坦言回港最重要是「瞓番餐飽」和「陪多啲個女」,還透露會把部分獎金撥入囡囡「包包」的「成長基金」。

Shirley(右)帶埋包包與桌總代表接機。

「仲有不足……仍需努力」

奮戰近6年終於打破錦標荒,傅家俊感激家人支持之餘,亦不忘透過微博答謝「粉絲」,他上載一張親吻獎盃照片然後寫道:「謝謝大家的支持,這次我做到了!但很多地方仍有不足,我相信我可以做得更好!仍需努力。」Marco昨晚返港吸引不少傳媒接機,妻女現身獻花更送上驚喜,他透露奪冠當晚忙於執行李,又要回覆朋友恭賀短訊,只睡了幾小時:「返嚟之後真係要瞓番夠本,希望快啲病好,陪吓個女,帶佢去玩。」

唔使打PTC 8月舉家返英

傅家俊摘冠袋走約49萬港元獎金,名利雙收,「Wonder爸」表示:「冇乜特別慶祝節目,只打算同屋企人食餐飯,啲獎金都係儲起嚟,畀『包包』將來讀書用。」Marco揚威澳洲賺得5,000分,臨時世界排名升上第13位,毋須再遠征荷蘭參加PTC(球員巡迴賽)搶分,故有半個月留港休息,直至8月1日才舉家返英,他說:「贏咗今次冠軍,壓力減少好多,希望有助呢季餘下比賽發揮,盡情Enjoy!」