李娜驚險反勝莎高巴露娃，進身16強。（Getty Images圖片）

溫網變罪惡「溫」床！溫網組委會日前進行大規模調查，發現可卡因殘留痕迹遍布中央球場，加上場內球迷涉透過twitter參與非法賭博，「德國一姐」姬芭又喺出局後收到死亡恐嚇，今屆賽事認真立立亂！

李娜驚險反勝莎高巴露娃，進身16強。（Getty Images圖片）

昨日焦點戰果 註：圈內為種子排名

出動軍人入場巡查

英國《鏡報》爆料，溫網組委會發現中央球場嘅洗手間、洗手間入面嘅BB換尿片枱同VIP香檳吧都有可卡因粉末，全英俱樂部發言人話：「上星期我哋用咗3日時間，喺球場各地方進行咗30次測試，其中11次呈陽性結果，佔總測試量差唔多37%。」組委會隨即加派數以百計嘅保安駐場，當地警察甚至軍人，都會喺球場入面巡查。

李娜 細威齊闖16強

咁都未算衰，由於現場比賽同電視直播大約有10秒至1分鐘時差，可能班觀眾有「前科」，溫網賽會為免有人玩「走地」等地下賭博嘅活動，所以禁止現場觀眾用twitter！場內立立亂，就連出咗局嘅運動員都有麻煩，七號種子姬芭日前倒灶不敵愛沙尼亞球手卡內皮，姬芭嘅fb慘遭洗版，有球迷仲向呢位「德國一姐」發出「肥奶牛，你應該喺地獄被燒死」及「我希望你跌斷膊頭」等死亡恐嚇，初步估計係賭徒因為輸錢而發洩，WTA已經就事件展開調查。

講番尋日嘅溫網賽事，「中國金花」李娜以4:6、6:0、8:6驚險反勝捷克球手莎高巴露娃，聯同同日橫掃伊達公子2:0、獲得生涯第600場勝仗嘅S威廉絲，齊齊躋身16強。