傑特打波就叻，教波真係唔知掂唔掂。

「神奇小子」閃電回歸！退役不足11日的傑特（Jason Kidd）火速重返籃壇，昨晨獲籃網聘任為新帥，來季將與老死兼接班人迪倫威廉士（Deron Williams）齊齊打天下，不過《ESPN》就睇衰這位「三雙王」冇好下場！

傑特打波就叻，教波真係唔知掂唔掂。

ESPN唔睇好

傑特於球員生涯曾兩度帶領籃網殺入總決賽，被該隊球迷視為球隊英雄，加上與籃網最難湊的球星迪倫威廉士私交甚篤，故此會方決定放棄斟介溜馬助教梳爾（Brian Shaw），向「神奇小子」投下信心一票。傑特表示：「我由打波嗰時已經開始學習點做教練，相信以我嘅奪冠經驗同無私打波風格，可以幫到籃網更上一層樓，揭開籃球生涯新一頁令我好興奮。」

現年40歲的傑特續稱，計劃力邀前活塞教練法蘭（Lawrence Frank）擔任其副手，勇士教練麥克積遜（Mark Jackson）及「魔術手」莊遜（Earvin Johnson）都睇好「神奇小子」有能力令籃網成為爭標分子，不過《ESPN》就指傑特缺乏執教經驗，加上曾捲入家暴及醉駕案，質疑籃網的選帥決定。