占士淨係練射波都Man到爆！（資料圖片）

NBA總決賽戰況如火如荼，作為熱火頭號球星的勒邦占士（LeBron James），日前獲被譽為「全美最性感體記」的恩妮絲公開示愛。不過有專業財經網站統計分析，「大帝」即使帶領熱火贏總冠軍，奪冠獎金將奀過隻冠軍指環！

占士淨係練射波都Man到爆！（資料圖片）

NBA東西岸季後賽形勢

捧盃每人分得40萬

性感的體育記者恩妮絲（Ines Sainz）一向負責採訪美式足球，然而她日前透露自己非常關注NBA，而且特別欣賞占士：「佢係個好有力量嘅男人，點講呢？由佢嗰個令所有女人嗒糖嘅三角肌就睇得出。如果占士唔介意我大過佢，我實嫁畀佢，能夠嫁畀力量型男人，係所有女人嘅夢想。」

「大帝」場上呼風喚雨，不過奪冠獎金就勁奀。據NBA規定，今年參加季後賽的球隊將分享1,300萬美元（約1億港元）獎金，如果熱火最終奪冠，將得到約378萬美元（約2,394萬港元）。根據NBA傳統，奪冠球隊通常將獎金分配給所有職球員，熱火大約有72人可分享這筆獎金，因此每份獎金大約只得5.2萬美元（約40萬港元）。

換句話說，占士、韋迪等只能得到5.2萬美元獎金，相比之下總冠軍指環的價值就更高。熱火去年的總冠軍指環用的是14K白金，鑲嵌着219顆鑽石，價值遠高於5.2萬美元。幸好「大帝」年薪有1,750萬美元（約1.36億港元），廣告合約更高達9,000萬美元（約6.99億港元），對獎金並不在意。