馬刺Vs湖人不容錯過

NBA季後賽進行得如火如荼，賽果亦一如外界所料。熱火、雷霆這兩隊東西岸「一哥」，實力強橫相信贏4:0已屬意料中事，只不過與對手實力相差太遠，完全未能顯示其真正實力，球迷可能要忍耐一下首輪對碰的強弱懸殊。

首圈對碰之中，我會睇足馬刺對湖人的每一埸比賽，湖人自高比拜仁（Kobe Bryant）提早收咧後，整隊卻恍如重生一樣，每個崗位都能發揮出驚人小宇宙，特別是加素（Pau Gasol）表現尤其出色。看罷首戰或許湖人未能給予馬刺真正考驗，但同時亦睇得出馬刺打起來絕不輕鬆，湖人每一球的步步進逼，亦令馬刺教練普波維治（Gregg Popovich）不得不運用暫停戰術，阻止對方後上反撲之勢。雖則我認為馬刺晉級呼聲甚高，不過如此緊湊的戰情，絕對是一場也不能錯過。