T-Mac唔啱馬刺風格

踏入常規賽尾聲，馬刺突然裁掉好使好用的「船長」史堤芬積遜（Stephen Jackson），相信是教練普波維治（Gregg Popovich）安排落場時間不足導致二人關係破裂，之不過馬刺簽入另一位1號球員麥基迪（Tracy McGrady），就比起裁走史堤芬積遜更令人驚訝！坦白講，T-Mac與馬刺的風格南轅北轍，麥基迪的打法非常個人主義，馬刺則主張Teamwork，試問雙方又怎能擦出火花呢？

一邊個人主義一邊重Teamwork

記得當年「籃板王」洛文（Dennis Rodman）百厭到死，積遜（Phil Jackson）教練依然能夠將洛文馴服，令這位壞孩子愈打愈開心之餘，球隊化學作用又顯著，球迷亦都睇得Happy，可謂三贏！嚴師普波維治好識計數，簽入麥基迪是否棋差一着則要拭目以待。T-Mac是歷史上唯一8度闖入季後賽都於首圈出局的「得分王」，筆者認為大家不要對他抱有太大期望，買番件1號馬刺球衣作支持沒問題，但我今年就睇淡馬刺的奪冠機會了。