大帝占士哂肌騷哥利
「大帝」、「王后」婚前大解放！勒邦占士（LeBron James）及莎雲娜（Savannah Brinson）今年9月就會拉埋天窗，這對模範情侶睇落斯斯文文，原來內裏相當Open，前日莎雲娜就約埋班NBA太太團舉行告別單身派對玩餐飽，期間不單止狂晒性商品，更邀請猛男助陣大歎「人體壽司」；另邊廂，占士亦Hardsell激凸下體「還擊」，齊齊趁結婚前大放縱！
據美媒《inflexwetrust》爆料，由莎雲娜一手策劃的告別單身派對認真大陣仗，獲邀出席的來賓一律要着上紫色浴袍「上陣」，保殊（Chris Bosh）老婆Adrienne及基斯保羅（Chris Paul）妻子Jada等NBA太太團都有到場，莎雲娜收禮物都收到手軟，不過份份禮物都「冇厘正經」，除了一條繡上LeBron（勒邦）字樣的內褲最「小兒科」外，其餘大部分禮物都是性玩具。
大歎猛男人體壽司
收完禮物就要開餐，「占嫂」特別邀請一位猛男助陣，並將壽司及刺身鋪滿該名肌肉男身上大玩「人體壽司」，重口味程度爆燈，難怪派對照片曝光後惹來不少爭議，有美媒更勸占士「睇緊啲」未婚妻。
你有「人體」，「大帝」就Show Off「下體」！見未婚妻玩到癲，占士亦都「唔執輸」，透過instagram上載一幅健身相，表面就晒肌肉，但一條超紮長褲就將該位熱火球星的「天賦異稟」表露無遺，擺到明向女Fans「騷哥利」。
紐約人首圈對綠軍
占士場外場內都一樣搶盡風頭，昨晨就貢獻「24+7+6」，帶領熱火主場以105:93擊敗公牛；至於紐約人主場90:80勇挫溜馬鎖定東岸「二哥」位置後，就確定首圈季後賽將硬撼塞爾特人。
占士心情靚，球隊成績又好，相信唔會怪莎雲娜玩埋啲咁嘅嘢。（美聯社圖片）
