拿度、博迪奧、S威廉絲同艾珊妮嘉幾位網壇巨星，尋日喺紐約攜手出席一項表演賽，艾珊妮嘉雖然輸畀「細威」，但呢位白俄球手喺比賽中途將球拍交畀場邊嘅男友Redfoo，咁識搞笑抵你搶盡風頭。至於另一焦點「野獸」，就邀請正喺紐約接受癌症治療嘅維蘭路華嚟麥迪遜廣場公園睇波，呢位巴塞主帥喺醫生同拿度老竇陪同下睇到笑逐顏開，健康狀況似乎唔錯喎！