據美國權威雜誌《游泳世界》預測，孫楊今年嘅代言收入有望突破2,000萬美元大關，一位唔願意開名嘅圈內人爆料，早排因為拍拖同教練鬧不和嘅孫楊，最近同教練重修舊好皆因睇錢分上：「代言費到手之後會分成四份，國家隊、運動員本人、運動員所屬單位同教練員，其中運動員同國家隊佔嘅比例較大。」至於4月1日嘅全國泳賽，孫楊已經報名參戰200、400、800及1,500米自由泳4個項目。