NIKE會喺2月27日晚上8點假修頓室內場舉行一場慈善籃球賽，張繼聰、「細So」蘇耀宗等藝人，會聯同本地籃壇猛將潘志豪、羅意庭，加埋前中華台北代表周俊三、李雲翔，分成兩隊一決高下，為香港遊樂場協會籃球學院計劃籌款。門票今日下午兩點喺修頓室內場公開發售，每人限買4張，票價80元，另設facebook限定VIP波飛，每張180元，限額20個。
