阿里畀老婆禁錮命不久矣？

前世界重量級拳王阿里性命危在旦夕？他的弟弟拉文昨向英國傳媒爆料，指71歲的哥哥受家事困擾，身心俱疲，隨時一命嗚呼。拉文矛頭直指阿里的第4任妻子露妮及其外家，將阿里「禁錮」，意圖霸佔所有財產，令阿里生不如死，早日歸天可能更有尊嚴。

7月後未見過哥哥

69歲的拉文現居於美國路易斯威爾一間簡陋房間，只靠微薄收入及傷殘津貼生活，他聲稱自去年7月後就未見過哥哥，當時已覺得阿里命不久矣：「佢講唔到嘢，唔認得我，病得好嚴重，可能幾個月內，或者幾日內就會離世，我希望佢可以有尊嚴地離開。」

拉文斥責阿里老婆露妮禁止他及阿里前妻所生的兒子，與這位患有柏金遜病的拳王見面，意圖與外家霸佔阿里名下財產：「哥哥仲清醒時講過佢百年歸老後，會將部分財產成立一個基金畀我，但已被露妮阻止。如果佢知道事情發展到咁，一定會好嬲，甚至會同佢離婚。」拉文目前只可以用電話跟阿里聯絡，但對方已口齒不清，難以溝通，所以寄望能見哥哥最後一面。