「大帝」嫌人工低畀說話聯盟聽

勒邦占士（Lebron James）昨日率領熱火作客溜馬雖射入28分，但對手的大衞韋斯（David West）發威貢獻全隊最高的30分，協助溜馬贏102:89。熱火周一凌晨作客速龍，占士正因這場波才會錯過大半場超級碗，「大帝」務求盡快解決對手，趕返邁阿密睇超級碗後半段賽事，必定大開殺戒，熱火讓6.5分捧上盤。（開賽時間：周一凌晨3:00時）

不敵溜馬 明鬥速龍開殺戒

聯盟奇怪規例（見超級碗主稿）令美式足球發燒友占士無法欣賞全場超級碗，「大帝」昨日接受訪問時乘機「畀說話」聯盟聽，大呻人工低：「我喺場上嘅表現證明我嘅價值，但勞資協議令我得唔到應有嘅回報。如果我係打棒球，合約一定好過依家。」

美國職棒大聯盟不設薪酬上限，占士認為自己的犧牲未獲外界認同之餘，更指自己為贏總冠軍已減人工，並暗示有球星為錢打波：「我得唔到外界肯定唔緊要，對我嚟講贏波更重要，我願意喺金錢方面作出犧牲。有啲頂級球員打波只係為咗錢，呢個係聯盟真實嘅一面。」