A米請麥迪遜員工食自助餐

NBA愛心滿瀉！史杜迪米亞向來有情有義，繼早前請小朋友免費睇波後，昨日又豪請麥迪遜廣場公園職員食自助餐；同樣愛心爆棚的熱火老將柏堤亞，就繼續以歌會友舉行慈善K聚，為小童籌學費。

熱火讓得起速龍8.5分

「A米」昨日透過旗下基金會，宴請大約600位麥迪遜廣場公園職員食自助餐，期間更亮相「食埋一份」，又與員工家屬簽名、合照，全程有求必應Nice到爆！這位紐約人大前鋒表示：「如果唔係呢班員工盡心盡力工作，我哋呢班球員又點會有個咁舒適嘅更衣室同球場先？呢餐飯就當係報答佢哋，我承諾以後每年都會搞。」

講到做善事，熱火小前鋒柏堤亞亦都「唔執輸」，這位「K神」每年都會舉行「慈善K王大賽」，為貧困小童籌學費及提供獎學金，一眾熱火隊友包括勒邦占士、韋迪、保殊甚至新加盟的基斯安達臣都有出席，就連五音不全的球會總經理萊利亦上台獻醜，認真畀面！熱火眾星為慈善不遺餘力肯定有好報，明早主場出擊恭候弱旅速龍當然可以秤先，讓8.5分要上盤。